Міжнародны дзень роднай мовы
Кажуць, мова мая аджывае
Век свой ціхі: ёй знікнуць пара.
Для мяне ж яна вечна жывая,
Як раса, як сляза, як зара.
П. Панчанка
21 лютага адзначаецца Міжнародны дзень роднай мовы. Абвешчаны ён у лістападзе 1999 года рашэннем 30-й сесіі Генеральнай канферэнцыі ЮНЕСКА з мэтай абароны моўнай і культурнай разнастайнасці.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
У ліцэі да Міжнароднага дня роднай мовы прайшоў конкурс чытальнікаў твораў беларускай літаратуры “Мілагучнае роднае слова”, літаратурна-музычная кампазіцыя “Жыві, мая родная мова!”. Своеасаблівым падарункам роднай мове стала выстава “Я люблю беларускую мову”.