Дзень роднай мовы ў нашым ліцэі

21 лютага ў нашым ліцэі прайшоў Міжнародны дзень роднай мовы – весела, пазнавальна і смачна! Увесь дзень вучні прымалі ўдзел у незвычайным чэленджы – размаўлялі па-беларуску.

Асаблівую атмасферу стварылі ўдзельнікі кірмашу «Нацыянальная кухня», які прайшоў пад кіраўніцтвам настаўніцы беларускай мовы і літаратуры Юрчук А.В. Вучні не толькі прадставілі і прадавалі стравы беларускай кухні, але і парадавалі ўсіх песнямі і вершамі.

Дзень роднай мовы ў чарговы раз даказаў: беларуская мова – гэта прыгожа, цікава і смачна! ❤️